ابتساماتي

السلام عليكم ورحمة الله وبركاته

اليوم اقدم لكم احدى روائع الشاعر ( بن الذيب )

ابتساماتي
أرجو أن ينال اختياري اعجابكم

أنا لأوزع على النـاس إبتساماتـي ياميتيـن المشاعـر ويـش يحيهـا
حقك علي مايدسـم لـي شناباتـي وفاعايل النـاس ماتشبـه مباديهـا
والفرصه مواتيه والطـاري مواتـي والشعر حاجـه تعنينـي وأعنيهـا
لكن ماهـو يعبـر عـن معاناتـي إلا تعبـر عـن الدنيـا ضواحيهـا
ومن تجربة ربع قرن عاشهـا ذاتـي ماكل فرق يهـز القلـب طاريهـا
وإذا تحرش هجوسـي فـي بنياتـي تطابقت روس عجميهـا وياميهـا
وألا أمبراطورة الخافـق ومشهاتـي تطربخ فبركـة الخفـاق رجليهـا
ياأول محطـة غـرام مـن محطاتـي ليالـي جمعتنـي فيـش يسقيـهـا
أجيش وأنـا كبيـراتٍ طموحاتـيلي وأروح وأنـا محثلهـا ومعطيهـا
إن كان حبش من أسوأ الإحتمالاتي كل إحتمالات فيهـا سـوء لبيهـا
وعليش قلبي ورى الأظلاع ماباتـي ولا يقرب ديـارش يـوم أنويهـا
يا كود جمس(ن) ماترهبه المسافاتـي ملكعـن بـأول الدنيـا وتاليهـا
منحره لأقبل معا خشمه الطويلاتـي منحر ذلول(ن) تزول بكبد راعيهـا
ومرايتـه دون كبوتـه عريظـات كفوف إمام معه دعـوه ويدعيهـا
والهولـي يبـخ وبلوفـه بلوفاتـي يـولـع الـنـار ولا مايطفيـهـا
مابينه وبين هل نجـد(ن) علاقاتـي لاهـي تدانيـه ولاهـو يدانـهـا
وصوته لاريح بنمره عقـب زتاتـي تنهيت اللي صدوق العشق كاويها
أتناحـي يأهـل المحبـه بالتنحاتـي ولالقـت بالمحبـه مـن يناحيهـا
ورفارفـه يـوم تصفـق بالمطباتـي ردوف بنت(ن) من النعمه تدربيهـا
إليا نطحها هواها فيـت(ن) عاتـي تحسب إنه مـن الـزود متقفيهـا
ومساحتينه لقامـت تقبـل وتاتـي أصبع عجوز(ن) كثيرات دعاويهـا
عليها الأحياء يدخل جو الأمواتـي وعليها الأموات مدري وين أوديها
يوم يتفلت على الطرقـه تفلاتـي أظعاف الانفس على الفتنه يجريهـا
الجكـور أكبـر عيالـه والبنياتـي اللكزس البرش والbmوأخيهـا
وإن قلت ياجيب خاوه قال ماحاتي لاكن ديره يواليهـا مـا أواليهـا
يشرب فناجيلي ويكسـر بيالاتـي ويمد رجله علـى دربـي ويثنيهـا
وإن قلت يالفرت قال الفرت سكاتي بعض الطواريق مـاودك تلاحيهـا
الجمس إبداع مـن كـل إتجاهاتـي كنه قصيدتك ذي اللي على إيهـا
مصدر(ن) لل(الفجيره) بإسم كرواتي يدرس علوم الطبيعه فـي نواحيهـا
وشراه واحد سعودي من إماراتـي وباعه على حضرمي رايح(ن) فيهـا
والحضرمي كل ماخزن من القاتـي الحاجه اللي علـى بالـه يسويهـا
إذا بغى يرهب كبـار الحكوماتـي رجله على قطعة الفرجـه مظريهـا
ولا خواطر خفوقي وآخـر أبياتـي قصايدي كل أبيهـا قـد سمعتيهـا
إي والله إني عشقت رظاش بالذاتـي مابه مساحـه بقلبـي مامشيتيهـا
يانيلي العذب يادجـلاي وفراتـي ياديرة الحـب شارعهـا وكبريهـا
ياأبلغ قصيده عليها مـن حركاتـي مايجلب الدهشـه لعينـي قاريهـا
إذا أنتثر دمع عينش سوي سواتـي قولي بكمـش كذيـا ثـم مشيهـا
الحزن يوم المفـارق عامـل ذاتـي فطره بالإنسـان مايقـدر يخليهـا

ودمتم بود